समाज
समाज हा चांगल्याचा-वाईटाचा,
सुखाचा-दःखाचा, आनंदाचा-नि-निराशेचा....
अधिकाधिक श्रिमंताचा, कमीतकमी गरीबांचा
बेईमानाचा, अत्याचाराचा नि अन्यायावर मात करणारऱ्या न्यायाचाही ।
आगीत ढकलणारा हा समाज,
कधी अग्निदिव्यात तापलेल्या मनुष्याचा।
दिवसा काळोखाचा
नि रात्री उजेडाचा ।
सुकाळात नास्तिकतेचा तर
दुष्काळात आस्तिकतेचा ।
कधी जखमांवर मीठ चोळणारा
तर कधी त्यावर मायेचे औषध लावणारा ।
माणसाला राक्षसात नि
राक्षसाला माणसात बदलणारा हा समाज।
असा हा समाज कधी काटे टोचणारा
तर कधी फुलांची म्रुदुता बहाल करणारा ।
दुःखद असुनही, सुखद ठरणारा
नि मानवाला अस्तित्व देणारा हाच तो समाज।
Comments
Post a Comment